ToLetras - Letras para cada momento.

MY LIBRARY

Recent Saved Album Artists

Zilwa

de Zulu

Amor di prétu é un amor sábi
Sábi óras ki reina ruspetu
Sábi ki bu ta badja, sábi ngata korpu
Sábi pa kurason, sabi undi bu anda

Amor di prétu, amor pasienti
Sima nos genti na spéra txuba
Sábi prepara txon, speransa na kurason
S'azágua ka ben, pa anu tenpu ta muda

Ben ser di-meu, nen s'é ka oji
Nen s'é ka oji

Ben ser di-meu, nen s'é ka oji
Nen s'é ka oji

Amor di prétu, amor bandidu
Bandidu, mas é sábi i balansadu
Di pértu é un tentason
Turmentu, kunsiliason di un vida
Strutura k'é konstruson

Amor di prétu, kel bon konpozison
Diskubérta, union, kresimentu
Bua di paixon, ku pe finkadu na txon
Ku vontadi, ternura i afeison

Ben, nha kretxeu, di nos ka di oji
Di nos ka di oji

Ben, nha kretxeu, di nos ka di oji
Di nos ka di oji

Ai, ai, ai

Más canciones de Zulu