ToLetras - Letras para cada momento.

MY LIBRARY

Recent Saved Album Artists

Papu Reto

de Willy Semedo

Hoje mim sta triste manham quem sabi contente, na sonhos qui mim ntem é triste pam sta ta fala, cada dia quis ta passa nsa odja um novo caminho, dias ta passa mas um dia de tristeza, vive na pobreza sempre cu sonho na riqueza, é si nha natureza, e disso ntem certeza. Tudo mai qui tem si fidju ta luta pa djudas tem um bom futuro, alguns ta fuje ta bai na mau caminho, leba vida na disgraça, ma nem conta es ca sa da, mai ou pai sa sustentas, si mas tarde mai ca sta é na rua na má vida, roba bens di otu, bai squadra toma pó sai na rua fazi mxm, cada um cu si problema, nu tem qui muda nós manera, pa nu para fazi asnera, sinon nu ta djobedo dum manera cima um poera.

Na nu vida tem qi uni, nu tem qi infrenta tcheus problemas
Na vida nu tem qi uni, nu tem qi infrenta tcheus problemas

Mi ntem certeza ma cu amor na coração, sem maldade na cabeça, lugar qui nu ta piza é sempre di kes mas altu, cu ruspeto e sem ódio cu amor na coração, pobre cabu verdeano, é si nha iducação, sim sa fala errado, fala djam cré predi, ngosta de consedju pam toma liçon di vida, ser primero ou ser ultimo é mesmo categoria, munti maltas sa ta fla, qi mi é tom iskisito, na manera de pensa e na manera de fala, si quin foi feto, és li é nha stilo.

Na Vida nu tem qi uni, nu tem qi infrenta tcheus problemas
Na Vida nu tem qi uni, nu tem qi infrenta tcheus problemas

Tudo bez quin lebra na passados qui djam tem, na barerras qui infrenta, talvez um dia nhós ta comprendi, musica pa mi, nca sabi discreveu, musica é nha mai, musica nha vida, musica nha mundo, hoje nsta ta ladra é ca pam ser famoso nem ser conhecido, nsa alegra nha heart e nsa cumpri nha promessa, spreça nhas talento.chinta queto bu sacuta, comprendi nhas palavras, tcheu cuzas quin ta fala, nca sabi nem splicau, infrenta tchues problema, ntem qui atura vida sima Diós permite.

Más canciones de Willy Semedo