ToLetras - Letras para cada momento.

MY LIBRARY

Recent Saved Album Artists

Lose Control

de Ste

Palma nha mô ban di kalu
Ku sola di pe ratxadu
Kaminhu lonji N anda
Kaminhu sufridu

Stória N ten pa N konta
Kusa di mundu ki N odja
Mundu kruel
Kuza gaiatu

Ma gósi li ki N txiga N sa kansadu
Gósi li ki N txiga N teni sedi
Nha kaminhu é lonji i stafadu
Si bu da-m un kópu d'agu, N ta konta-u

Na breu di nha sidadi
N xinti nha alma ta kapri-m
Móda agu na ratxa dedu
So ta skóri kétu kétu

Nha genti, N kóri
Kóri pa lonji
Nha genti, N kóri
Undi es ka konxe-m

Lonji nha kasa es faze-m skravu
Skravu di pekador sima mi
O, mina txon, ratxa lenha
Anti manxi, ti sol kanba
Trabadja mo buru
Trabadju pisadu
Es fla-m ma sol ku béntu
Kel k'é nha saláriu

Ma gósi ki nha alma alforiadu
Gósi ki mi é un ómi livri
Gósi ki nha alma risgatadu
N fla ma ku dignidadi un podi vivi

Livri di álkol
Livri di dróga
Livri di prizon
Di ignoransia

Más canciones de Ste