ToLetras - Letras para cada momento.

MY LIBRARY

Recent Saved Album Artists

Carmina Vacaloura

de Maestro Reverendo E A Sua Orquestra Antabus

Este é o conto de Carmiña Vacaloura
A vacaloura máis xentil do lugar
Carmiña vivia nun vello carballo
E levábase ben con todo o mundo en xeral

Pero ó pé do carballo nun burato
Pepiño Grilo daba a lata todo o ano
E Carmiña Vacaloura non o podía aturar

Grilo do demo que só ve-la palla
No ollo alleo, para xa de falar
Non ves que ninguén atende teus consellos
Por mor da túa catadura moral

Así falaba Carmiña cabreada
Abrindo as fauces e poñendo mala cara
Ti que saberás do que está ben ou está mal?

Carmiña Vacaloura fai ben
O grilo a ela tanto lle ten
Do que non se pode falar
O mellor é sempre calar

Non fagas isto, non fága-lo otro
A metamorfose a levas moi mal
Pepiño Grilo tiña frase para todo
Pouco cri-crí e moito bla bla bla

Se chego tarde porque chego tarde
Se chego cedo porque chego cedo
Faga o que faga sempre chega o sermón

Onde se viu un grilo con chistera
Acaso é o grilo do santo Grial?
Onde se viu un insecto insecticida
Non ten amigos nin nunca os terá

E os demais insectos, que xa estaban fartos
Reuníronse perto do carballo
E foron a Carmiña a pedirlle solución

Carmiña ti que es grande e xentil
Bota a Pepiño de aquí!
O que non se pode aturar
O mellor é facelo calar

A paciencia e a conciencia
Son asuntiños de mal casar
Son cousas de moito pelexar
Non son vaca nin son loura
Pero o grilo vaime escoitar
As miñas fauces vanlle asustar

Pepiño emigrou dende o carballo ata o Nepal!

Gracias, Vacaloura xentil
Polo que fixeches por nós
O que non se pode aturar
O mellor é faselo calar

Do que non se pode falar
O mellor é sempre calar
Do que non se pode falar
O mellor é sempre calar

Do que non se pode falar (Pepiño Grilo!)
O mellor é sempre calar (a calar!)
Do que non se pode falar (non se pode falar!)
O mellor é sempre calar (o mellor é sempre calar!)

Do que non se pode falar
O mellor é sempre calar (y yo me voy)
Do que non se pode falar (al Escorial!)
O mellor é sempre calar (la, la, la, la, la, la, la, la, la, la)
Do que non se pode falar (la, la, la, la, la, la, la)
O mellor é sempre calar

Más canciones de Maestro Reverendo E A Sua Orquestra Antabus