ToLetras - Letras para cada momento.

MY LIBRARY

Recent Saved Album Artists

Blow, northerne wynd

de Helium Vola

Ichot a burde in boure bryht
that sully semly is on syht,
menskful maiden of myht,
feir and fre to fonde.
In al this wurhliche won
a burde of blod ant of bon
neuerzete y nuste non
lussomore in londe.

Blow, blow, northerne wynd,
sent thou me my suetyng!
Blow, blow, norterne wynd,
blou! blou! blou!

With lokkes leftliche ant longe
with frount ant face feir to fonde,
with murpes monie mote heo monge,
that brid so breme in boure,
with lossom eye grete ant gode,
with browen blysfol under bode.
He that reste hin the rode
that leflich lif honoure!

Blow, blow, northerne wynd,
sent thou me my suetyng!
Blow, blow, norterne wynd,
blou! blou! blou!

For hire loue y carke ant care,
for hire loue y droupne ant dare,
for hire loue my blisse is bare,
ant al ich waxe won;
for hire loue in slep y slake,
for hire loue al nyht ich wake,
for hire loue mournyng y make
mor then eny mon.

Blow, blow, northerne wynd,
sent thou me my suetyng!
Blow, blow, norterne wynd,
blou! blou! blou!

Más canciones de Helium Vola