ToLetras - Letras para cada momento.

MY LIBRARY

Recent Saved Album Artists

Rabidanti

de Helio Batalha

Onti é fla me ka almusa
Pe podi janta ku ses fidju baxu sol so ta djuguta
Kada dia kada luta
Kau sa mau, benda sa poku
Deus ta djuda ki nunka n ka ta furta
Desdi pikinoti ta disgadja pa kes ruas
Rabidanti mãi soltera, duente ku dor na kuluna
Desde sedu é larga studa
É kunfia na Jose, ma Jose dexal prenha kamba Tuga
E hoje sa difísil buska vida
Banhera sa pisadu e polisia na kada skina
Ês fla n ka podi bendi na prasinha
Ma sidádi sa um kaos, ma nu meste organiza

Ês toma nha merkadoria
Ês kre mata nha speransa, nha xama, nha alegria
Ma kenha ki ta paga konta la na kasa?
Kenha ki ta mata fomi óki pom atrasa?

(Ma kenha?)
Kenha ki sa xinti nha dor
Kenha ki ta linpa nha sour?
(Ma kenha?)
Kenha ki sa obi nha vos?
Kenha ki sa djobi pa nós, ma kenha?
(Ma kenha?)
N xinti dor de kes ké sima mi
(Rabidanti)
N xinti vos de kes ki grita li
(Rabidanti)
N xinti dor de kes ki sufri li
(Rabidante)
Rabida vida, rabidanti

Onte é fla me ta diziste
Ma ka bali pena luta i sempre fika triste
Manxi tenta subrivive
Enquanto omis na puder ta kontinua ta rikise
11 mil salario mínimo, deputados milionrios
Rabidantis perseguidu, komandantes ta afastadu
Justisa é amigo de arma?! Justisa marrido de arma
Kasamentu perfeito entre speransa ku disgrasa
Ma mi é um simples rabidanti
Agrikultor pastor, ma mi é um simples ajudanti
Ma mi n konxi prioridade
5 mil kontu pa se ***, undi nhôs dexa sobriedade?

Ma ês toma nha merkadoria
Ês kre mata nha speransa, nha xama, nha alegria
Ma kenha ki ta paga konta la na kasa?
Kenha ki ta mata fomi óki pom atrasa?

(Ma kenha?)
Kenha ki sa xinti nha dor
Kenha ki ta linpa nha sour?
(Ma kenha?)
Kenha ki sa obi nha vos?
Kenha ki sa djobi pa nós, ma kenha?
(Ma kenha?)
N xinti dor de kes ké sima mi
(Rabidanti)
N xinti vos de kes ki grita li
(Rabidanti)
N xinti dor de kes ki sufri li
(Rabidante)
Rabida vida, rabidanti

Más canciones de Helio Batalha