ToLetras - Letras para cada momento.

MY LIBRARY

Recent Saved Album Artists

Depois do Prazer

de Denis Graça

N ta konfesa, dja N divia superaba
Ma amor ki N ten pa bo, es sentimentu inda ka kaba
É un luta konstanti na nha menti i nha korason
N kre fika ma kelotu kre parti pa un novu direson
Ma N ta konfesa ma inda N ten sodadi
T'inda N ta odja bus fótus N ta fika ku vontadi
Na madrugada friu, N ta rilé nos konvérsa
N t'odja u kuantu nu ama, u kuantu nu surri, nu ka tinha présa
I ta due-m sabe ma oxi tudu dja kaba, nada ka sta ben kontise sima nu planiaba
Gósi N ka ta liga-u pa N konta-u nha dia mó ki staba
Nen N ka ta puxa bóka óra k'u fla-m ku ken k'u staba
Ta duê ma N ten ki aseita, vida lansa un novu dansa i nu ka pode rejeita
Na final tudu ten un fin i si nos múzika para toka so nu ten ki ruspeta

Nha midjór amiga, ka bu fadiga
Si é asin ke bo kre, N ta respeita-u
Nha midjór amiga, ka bu fadiga
Si é asin ke bo kre, N ta respeita-u

Mó ki ta fika nos sonhu viaja pa Singapura i pasa virada di anu na konsértu Lura?
Mó ki ta fika nos sonhu di ten nos kaza djuntu, tudu ki nu fala, nu promete, tudu nos asuntu?
Mó ki ta fika nos sonhu di ten nos Range Rover? Mó ki ta fika nos planu di faze ski na invérnu?
Mó ki ta fika? Fla-m mó ki ta fika, mó ki N ta fika? N kre pa-u fla-m mó ki N ta fika
Ta due-m sabe ma oxi tudu dja kaba, nada ka sta ben kontise sima nu planiaba
Gósi N ka ta liga-u pa N konta-u nha dia mó ki staba
Nen N ka ta puxa bóka óra k'u fla-m ku ken k'u staba
N ta promete ma N ta supera, ma antis disu, N ten sertéza ma N ta sufri txeu
Nton, ka-u atxa stranhu si algun dia mi N skrebe-u, é ki alves sodadi é txeu i nha maiór vontadi é so tene-u

Nha midjór amiga, ka bu fadiga
Si é asin ke bo kre, N ta respeita-u
Nha midjór amiga, ka bu fadiga
Si é asin ke bo kre, N ta respeita-u

Na solidon N sintí bu ozénsia, o baby
Na solidon da-m sodade bo prezénsa
Kel ke N pensá ke éra pa mi, agóra ta na mô dun otu algen
N ta sperá ke bo é filis

Nha midjór amiga, ka bu fadiga [?]
Si é asin ke bo kre, N ta respeita-u
Nha midjór amiga, ka bu fadiga (N kre so odja-u ben)
Si é asin ke bo kre, N ta respeita-u

Más canciones de Denis Graça